Қарағандыда жүк көлігі жылу трассасын бұзып, тұрғындар жылусыз қалды (видео)

Қарағандыда КамАЗ жылу трассасын бұзды, сол себепті қаладағы жеке үйлерге жылу беру тоқтатылды. Оқиға орнында коммуналдық қызметтер жұмыс істеп жатыр, деп хабарлайды қалалық әкімдікке сілтеме жасаған KAZ.NUR.KZ.

Желіде оқиға орнында түсірілген видео жарияланды. Жазба авторының айтуынша, Қарағандыдағы Шәкіров көшесінде жүк тиеген КамАЗ жылу трассасын бұзған.

Қарағанды әкімдігінің баспасөз қызметі хабарлауынша, мамандар ескі құбырды жаңасына ауыстыру жұмыстарын жүргізіп жатыр.

"Бүгін Шәкіров көшесіндегі жеке секторда өзі басқарған көлік транспортының өлшемдерін есептемеген жүк көлігі салдарынан жылу порталы бұзылып, жеке тұрғын үйлерге жылу беру жартылай тоқтатылды.

Қазір аудан әкімдігі мен "Жылутранзит" ЖШС өкілдері жұмыс орнында, жүйе қатып қалмас үшін суды ағызып жатыр, сонымен қатар ескі құбырды бұзып, жаңасын орнатуға кірісті", - делінген жергілікті әкімдіктің хабарламасында.