Астанадағы ауруханада әскери қызметкер балаға зорлық көрсетпек болды деген күдікке ілінді
Жарияланған күні:
Желіде подполковник шеніндегі әскери қызметкердің баланы зорламақ болғаны туралы ақпарат тарады. Ішкі істер министрлігі оқиғаға қатысты түсініктеме берді. Бұл туралы KAZ.NUR.KZ хабарлайды.
Ақпарат EGOV.Press Telegram-арнасында жарияланды.
"Астанадағы Қазақстан Республикасы қорғаныс министрлігі әскери бөлімдерінің бірінде подполковник шеніндегі батальон командирінің орынбасары 2016 жылы туған баланы госпитальда зорламақ болған", - деп жазады басылым.
Бұл ақпаратқа байланысты Ішкі істер министрлігінің баспасөз қызметі KAZ.NUR.KZ тілшісіне түсініктеме берді:
"Кәмелетке толмаған азаматқа қатысты жыныстық сипаттағы зорлық-зомбылық фактісі бойынша қылмыстық іс қозғалды, қылмыстық құқық бұзушылық жасады деген күдікпен оқуда жүрген Мәскеу облысы Ақмола гарнизонының әскери қызметкері ұсталып, сот санкциясымен қамауға алынды. Тергеу жалғасуда", - деп хабарлады департамент.
Қылмыстық іс жүргізу кодексінің 201-бабына сәйкес, тергеу барысына қатысты өзге мәліметтер жарияланбайды.
Мақаланың түпнұсқасы: https://kaz.nur.kz/accidents/2202330-astanada-auruhanada-askeri-qyzmetker-balaga-zorlyq-korsetpek-boldy-degen-kudikke-ilindi/
