Алматыда сауда ойын-сауық орталығының шатыры өртенді (видео)

Жарияланған күні: 2 қаңтар 2025, 17:22

Алматыда Әуэзов ауданында сауда ойын-сауық орталықтарының бірінде өрт шықты. Бұл туралы KAZ.NUR.KZ ТЖМ-ге сілтеме жасап хабарлайды.

Ведомство өкілдері Алматы өрт сөндірушілері Әуэзов ауданында сауда ойын-сауық орталықтарының шатырының жануын оқшаулағанын жеткізді.

ТЖМ мәліметінше, оқиғаның мән-жайы анықталып жатыр.

Кейінірек ведомство мына ақпаратты жариялады.

"Өрт 10 шаршы метр алаңда сөндірілді. Ауа тартқыш құбырында май қалдықтары жанып кейіннен от шатырдың қаптамасына тараған", - делінген хабарламада.

ТЖМ мәліметінеш, зардап шеккендер жоқ. Өртті сөндіруге жеке құрамнан 75 адам және 24 бірлік техника жұмылдырылды.