Ақмола облысында 95 көлік соқтығысты: жаппай жол апатының тағы бір видеосы пайда болды
Жарияланған күні:
Ақмола облысында Астана-Щучинск тасжолында болған ірі жол-көлік апатына қатысты жаңа видео желіде жарияланды. Кадрлар апатқа ұшыраған көліктердің камерасынан алынған. Бұл туралы KAZ.NUR.KZ хабарлайды.
Видеоны Instagram желісіндегі sergek.kaz парақшасы бөлісті. Кадрлардан жолдағы көріну деңгейінің төмендігін және қатты желдің әсерін байқауға болады.
Бұл жағдайлардың апатқа ықпал еткені пікір білдірушілердің де назарынан тыс қалмады.
Желі қолданушылары апаттың себептерін қызу талқылады.
"Қою тұман барын анық көруге болады, жолға шыққан жүргізушілер абайсыздық танытқан", "Жолды көрмесеңіз, неге жылдамдықты асырасыз?", "Тұман, көктайғақ – ал олар зымыранша ұшады", - деп жазуда көпшілік.
Айта кетейік, 3 желтоқсан күні бұл жаппай апатта 95 көлік соқтығысып, көптеген көлікке зақым келген. Төтенше жағдайлар министрлігі өкілдерінің айтуынша, жолдағы көріну деңгейінің төмендігі мен көктайғақ апаттың негізгі себептері ретінде қарастырылып отыр. Құқық қорғау органдары оқиғаның мән-жайын анықтап жатыр.
Мақаланың түпнұсқасы: https://kaz.nur.kz/accidents/2208743-aqmola-oblysynda-95-kolik-soqtygysty-zhappai-zhol-apatynyng-tagy-bir-videosy-paida-boldy/
