Ақмола облысында монша өртеніп, 25 адам эвакуацияланды

Опубликовано:7 қаңтар 2025, 12:19

Ақмола облысы, Целиноград ауданына қарасты Қараөткел кентінде қоғамдық монша өртенді. Екі қабатты ғимараттың бу бөлмесіндегі ағаш қаптама жанған. Бұл туралы KAZ.NUR.KZ төтенше жағдайлар министрлігіне сілтеме жасап хабарлайды.

Өрт ошағына жедел жеткен құтқарушылар баспалдақ арқылы ғимараттан 25 адамды, оның ішінде 17 баланы қауіпсіз жерге эвакуациялады. Сондай-ақ үш газ баллоны өрт аймағынан тыс жерге шығарылды.

"Өрт дер кезінде сөндірілді. Оқиға салдарынан зардап шеккендер жоқ. Қазіргі уақытта оттың неден тұтанғаны анықталып жатыр.

Төтенше жағдайлар министрлігі азаматтарға өрт қауіпсіздігі ережелерін қатаң сақтауды сұрайды", - делінген хабарламада.

Бұған дейін Шымкентте көпқабатты тұрғын үйден өрт шығып, екі адам құтқарылғаны туралы жазған болатынбыз. Сондай-ақ баспалдақ маршымен 20 адам, оның ішінде 2 бала қауіпсіз жерге эвакуацияланды.

Сонымен қатар Ақсай қаласында көпқабатты үйдің төртінші қабатындағы пәтерден өрт шығып, екі баланың терезеден секіргенін еске саламыз. Өрт сөндірушілер қоңырау түскеннен кейін 3 минут ішінде оқиға орнына жетіп, 12 адамды, оның ішінде 7 баланы қауіпсіз жерге шығарған.

Мәтіннен қате тапсаңыз, бізге жазыңыз