Павлодарда кәріз құбырынан шала туған шақалақтың денесі табылды

Павлодарда 20 сәуірде жертөледегі кәріз құбырын тазалау кезінде шала туған шақалақтың денесі табылды, деп хабарлайды Telegram-дағы "ҚР ІІМ жаңалықтары" арнасы.

Ведомство мәліметінше, 20 сәуір сағат 18:15 шамасында Павлодар қаласындағы Бакинская көшесінде орналасқан үйдің кіреберістерінің біріндегі жертөледе кәріз құбырын тазалау кезінде шала туған шақалақ ер баланың денесі табылған.

Аталған дерек негізінде Қылмыстық кодекстің 100-бабы бойынша сотқа дейінгі тергеу басталып, сот-медициналық сараптама тағайындалған.

"Оның нәтижелері бойынша процестік шешім қабылданады", - дейді құзырлы орган өкілдері.

Айта кетелік, бұған дейін Оралда жергілікті тұрғын қоқыс жәшігінен целлофан пакетке оралған сәбиді тауып алған еді. Нәресте ауруханаға жеткізілген болатын.

Мәтіннен қате тапсаңыз, бізге жазыңыз