jitsu gif
Оқыс оқиға

    Алматыда тектоникалық қауіпті аумақта жанармай құю бекеті салынбақ болған

    Газ құю бекеті
    Газ құю бекеті. Көрнекі фото: Pixabay.com

    Алматының көлік прокуратурасы заңбұзушылықтарды анықтады: тектоникалық қауіпті аумақта жанармай құю бекеті салынбақ болған. Бұл туралы KAZ.NUR.KZ Бас көлік прокуратурасына сілтеме жасап хабарлайды.

    Алматы көлік прокуратурасы жер, сәулет, қала құрылысы және құрылыс қызметі туралы заңнаманың сақталуына жүргізген талдау нәтижесінде, автомобиль газ толтыру компрессорлық станцияларын салуға жер учаскесін беру кезінде елеулі бұзушылықтарды анықтады.

    Атап айтқанда, уәкілетті орган қолданыстағы нормаларды бұза отырып, астынан кәріз құбырлары өтетін тектоникалық бұзылу аймағында орналасқан бөлінбейтін жер телімін мегаполистің автобус паркіне жанармай құю бекеті үшін берген.

    Осылайша, жауапты лауазымды тұлғалар техногендік сипаттағы төтенше жағдайлардың туындау қаупіне жол берген.

    "Көлік прокуратурасы араласқаннан кейін кінәлі лауазымды адамдар әкімшілік жауапкершілікке тартылып, осы жер учаскесін Алматы қаласы әкімдігінің балансына қайтару шаралары қабылданып жатыр", - делінген хабарда.

    Барлығын бірінші болып біліп отырыңыз

    Бізге жазылып, Қазақстанның өзекті жаңалықтарынан, қызықты суреттер, видеолар мен эксклюзивтерден хабардар болыңыз.

    Instagram
    Сақтаулылар
    Мұнда әзірше бос
    Жарияланым парақшасында «
    » батырмасын қолданып, оны сақтаулылар тізіміне қосыңыз.