Өскеменде бала сырғанаққа қыстырылып қалды

Өскеменде төрт жасар бала ойын алаңында ойнап жүріп, сырғанақ құрылымының арасына аяғын қыстырып алып, өздігінен шыға алмады. Баланың ата-анасы құтқарушылардан көмек сұрады, деп хабарлайды ТЖМ-ге сілтеме жасаған KAZ.NUR.KZ.

Шығыс Қазақстан облысының ТЖМ Telegram-дағы арнасында хабарланғандай, Өскеменде төрт жасар бала аулада ойнап жүріп, сырғанаққа аяғы қыстырылып қалған. Ата-анасы құтқарушыларды шақырды.

"ШҚО ТЖД мамандандырылған жасағының қызметкерлері арнайы құралдың көмегімен құрылымды ашып, баланы темірдің арасынан босатып алды", - делінген хабарламада.

ТЖ қызметінің мамандары атап өткендей, бала құтқару операциясы кезінде өзін тыныш ұстап, үрейге бой алдырмады.

Мәтіннен қате тапсаңыз, бізге жазыңыз