Петропавлда әжесі мен немересі улы газдан уланып қалды

Петропавлда әжесі мен немересі үйді жылыту үшін бензин генераторын орнатып, салдарынан улы газдан уланып қалған. Бұл туралы "КТК" телеарнасы хабарлады.

Арна мәліметінше, оқиға Заречный ықшамауданындағы саяжайда болған. Су тасқынынан бірнеше үй қана аман қалған, алайда онда әлі электр жарығы жоқ.

Үйде бензин генераторы қолданылған. Бөлме бірден жану өнімдеріне толып, салдарынан әжесі мен немересі уланып қалған.

14 жастағы қыз анасына қоңырау шалып, әжесі екеуі кенеттен ауырып қалғанын хабарлаған.

68 жастағы зейнеткер жансақтау бөліміне, ал бала балалар ауруханасына жатқызылды. Дәрігерлер екі зардап шегушінің де жағдайын орташа ауыр деп бағалады.

"Ең қауіптісі – адамдар көбінесе қарапайым ережелерді елемейді, яғни олар үй-жайларды жылытуға қолдан жасалған электр жылытқыштарын бейімдей бастайды. Олар сондай-ақ газ жылытқыштарын пайдаланады, алайда оны бөлмелерде қолдануға мүлдем рұқсат етілмейді. Барлығы зауытта жасалған болу керек. Қазір біз улы газ датчиктерін белсенді түрде енгізіп жатырмыз", - деді қалалық ТЖБ бастығы Ержан Шәріпов.

Дереккөз: КТК