Ақтөбеде тұрғын үйде газ жарылды: бір адам қаза тапты (видео)

Газ Ақтөбедегі Абай даңғылындағы тұрғын үй пәтерінде болған. Бір адам қайтыс болды, деп хабарлайды "Диапазон" газетіне сілтеме жасаған KAZ.NUR.KZ.

Оқиға орнында шұғыл қызметтер жұмыс істеп жатыр, барлық тұрғын қауіпсіз жерге көшірілді. Пәтерде газ-ауа қоспасы жарылған, салдарынан пәтер өртке оранған.

Өрт шамамен 40 шаршы метр аумақты шарпыған. Одан бөлек 3 және 4 қабаттар арасында қабатаралық конструкция құлап түскен. Өңір ТЖД өкілдері 73 адам қауіпсіз жерге көшіріліп, бір адам құтқарылғанын мәлім етті.

"Алдын ала дерек бойынша оқиға салдарынан бір адам көз жұмған. Апаттық-құтқару жұмыстары мен үйінділерді аршу жұмыстары жалғасып жатыр", - деп мәлімдеді ведомство қызметкерлері.

Оқиға орнында кинологтар жұмыс істеп жатыр.

ТЖД оқиға себептері анықталып жатқанын атап өтті.