Алматы облысында теміржолда екі адам қаза болды

Алматы облысында теміржолда екі адам қаза тапты. Қайғылы оқиға жайлы "Жолаушылар тасымалы" АҚ-ның баспасөз қызметі мәлім етті, деп хабарлайды KAZ.NUR.KZ.

"ҚТЖ-ның" мәліметінше, оқыс оқиға 2025 жылғы 23 маусымда сағат 19:10-да Ақсеңгір-Бурундай аралығының Отар – Алматы – 1 учаскесінде тіркелген.

Пойыз машинисі екі адамның теміржолға кенеттен шығуына байланысты шұғыл тежеуді қолданған, алайды қайғылы жағдайдың алдын алу мүмкін болмаған.

"Олар локомотив сигналдарына назар аудармады. Қашықтықтың қысқалығына байланысты басудың алдын алу мүмкін болмады.

Оқиға туралы Алматы-1 станциясының ЖПБ-ға хабарланды. Оқиға орнында құзыретті қызметтер жұмыс істеуде. Тергеу жүргізіліп жатыр", - делінген хабарламада.

Осы орайда "ҚТЖ" өкілдері теміржолға қатысты ережелерді қатаң сақтау қажеттігін еске салады.

Мәтіннен қате тапсаңыз, бізге жазыңыз