Шымкенттік лауазымды тұлғалар 68 млн теңгеден астам ақша жымқырды деген күдікке ілінді

Шымкентте әлеуметтік маңызы бар тауарларды, оның ішінде 3000 тонна 1 сұрыптағы ұнды өткізу барысында аса ірі мөлшерде ақша ұрлау фактісі анықталды. Бұл туралы Қаржылық мониторинг агенттігінің ресми Telegram-каналында хабарланды.

Ведомство ақпаратынша, Қаржылық мониторинг агенттігі Шымкент қаласы бойынша департаменті қызметкерлері "Шымкент ӘКК" АҚ лауазымды тұлғаларына қатысты сотқа дейінгі тергеп-тексеруді тіркеді.

"Қалалық МІАД аудиторының қорытындысына сәйкес келтірілген залал сомасы 68 млн 800 мың теңгені құрады" - делінген хабарламада.

Тергеу жалғасуда. Қылмыстық-прцестік кодекстің 201-бабына сәйкес тергеу мүддесінде өзге ақпарат жария етілмейді.

Мәтіннен қате тапсаңыз, бізге жазыңыз