Жетісу облысының соты жерде жатқан Қазақстан Елтаңбасы үшін жазаланды

Талдықорғандағы облыстық сот ғимаратының маңында жерде жатқан елтаңбаның макетін түсірген бейнежазбаны тәртіп сақшылары зерттеп, кінәлілерді жазалады, деп хабарлайды Жетісу облыстық ПД Instagram-дағы ресми парақшасында.

"Жауапты тұлғалардың әрекеті әкімшілік заңнамада көзделген құқық бұзушылық деп танылғанын хабарлаймыз.

Аталған факті бойынша ӘҚБтК-нің 418-бабының 1-1-бөлігіне сәйкес облыстық сот әкімшілігінің Инфрақұрылымды дамыту бөлімінің басшысы жауапкершілікке тартылды", – делінген хабарламада.

Ведомство сондай-ақ бейне авторына азаматтық ұстанымын белсенді көрсеткені және құқық қорғау органдарына осындай құқық бұзушылықтарды анықтауға көмектескені үшін алғыс білдірген.