Алматы облысында екі жігіт банкоматтан 13 миллион теңгеге жуық қаржыны ұрлап кеткен

Алматы облысының полицейлері банкоматты ұрлаған күдіктілерді қолға түсірді. Бұл туралы Polisia.kz хабарлайды.

14 тамыз сағат 13:42-де Қарасай ауданының полиция бөліміне 1988 жылы туған А. есімді азаматша сағат 08:00 шамасында Алмалыбақ ауылында орналасқан банкоматтан кілтті таңдау арқылы белгісіз адамдар медициналық маскамен 12 млн 882 мың теңге көлемінде ақша ұрлағаны туралы арыз түсірді.

Аталған жайт Қылмыстық кодекстің 188-бабы 4-бөлігі бойынша аудандық полицияда тіркелді. А. есімді екі күдікті ұсталды. Олар 1998 және 1999 жылдары туылған, Қаскелең қаласының тұрғындары болып шықты.

Азаматтар уақытша ұстау изоляторына қамаққа алынды.

Тергеу барысында ұрланған ақша түріндегі заттай дәлелдемелер алынып, іс материалдарына қоса тіркелді. Қазіргі уақытта сараптамалық тексерулер тағайындаумен қажетті тергеу амалдары жүргізілуде. Күдіктілердің басқа да осындай қылмыстарға қатысы бар-жоғы тексерілуде.

Мәтіннен қате тапсаңыз, бізге жазыңыз