Астанада 9 жасар қызды ұрламақ болды деген күдікпен ер адам ұсталды
Опубликовано:
Желіде қыз баланы ұрламақ болғаны туралы ақпарат пайда болды. Астананың тәртіп сақшылары мән-жайды айтып берді, деп хабарлайды елордалық полиция департаментінің баспасөз қызметіне сілтеме жасаған KAZ.NUR.KZ.
- Астанада 9 жасар қызды ұрламақ болды деген күдікпен ер адам ұсталды.
- Оқиға орнында түсірілген видео Telegram-да жарияланып, онда полиция ұстаған ер адам мен куәгерлер көрінеді.
- Астана полиция департаментінің мәліметінше, күдікті ұсталып, полицияға жеткізілген, оқиғаның мән-жайы анықталуда.
Оқиға орнында түсірілген видео Telegram-дағы Egov.press арнасында жарияланды. Кадрда полиция ұстаған ер адам және оқиға куәгері болған көршілердің мән-жайды баяндап беріп жатқаны бейнеленген.
"Мас ер адам күтпеген жерден 9 жастағы қызды ұрламақ болған, бірақ қырағы көршілер оны құтқарып қалып, полиция шақырған", - деп жазды автор видеоның астына.
Астана полиция департаментінің баспасөз қызметі NUR.KZ тілшісіне күдіктінің ұсталып, полицияға жеткізілгенін хабарлады. Оқиғаның мән-жайы анықталып жатыр.
Еске салсақ, бұған дейін Астанада төрт жасар бала төртінші қабаттан құлап кеткен болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2145693-qyz-urlamaq-bolgan-astanada-er-adam-ustaldy/