Қарағанды облысында қызды көлік қаққан сәт видеоға түсіп қалды

Саран қаласында жаяу жүргіншілер жолағынан өтіп бара жатқан қызды көлік қағып, ол қайтыс болды, ал жүргізуші уақытша ұстау изоляторына қамалды, деп хабарлайды KAZ.NUR.KZ Қарағанды облысы ПД баспасөз қызметіне сілтеме жасап.

Telegram-дағы "Криминальный Казахстан" арнасында жаяу жүргіншіні қаққан сәттің видеосы жарияланды. Трагедия Саран қаласында болғаны айтылған. Кадрлардан қыздың жаяу жүргіншілер жолағымен өтіп бара жатқанын, бірақ кенеттен көлік бағытын өзгертіп, қызды қаққанын көруге болады.

KAZ.NUR.KZ тілшісіне Қарағанды облысы Полиция департаментінің баспасөз қызметі қыз келесі күні ауруханада көз жұмғанын хабарлады.

"Қарағанды облысы, Саран қаласында 16 тамызда болған жаяу жүргіншіні қағу дерегі бойынша сол күні-ақ сотқа дейінгі тергеу басталды. BMW автокөлігінің 22 жастағы жүргізушісі ұсталып, уақытша ұстау изоляторына қамалды. Қазіргі уақытта объективті және жан-жақты тергеу жүргізуге бағытталған барлық қажетті шаралар кешені жүргізіліп жатыр", - деп түсініктеме берді полицейлер.

Назар аударыңыз: видео шок туғызатын көріністері бар! Психикасы тұрақсыз адамдарға, жүкті әйелдерге және 18 жасқа толмағандарға көруге ұсынылмайды.

Мәтіннен қате тапсаңыз, бізге жазыңыз