"Бесінші қабаттан лақтырып жібереміз": астаналық балалардың қауіпті ойыны видеоға түсіп қалды

Желіде бір топ бала бір баланы бесінші қабаттан лақтыратынын айтып, сол жоспарды іске асырмақ болғаны бейнеленген видео пайда болды. Бұл жағдайға полиция өкілдері түсінік берді, деп хабарлайды KAZ.NUR.KZ.

Видео Telegram-дағы EGOV.PRESS арнасында жарияланды. Видеоны балалардың бірі түсіріп алған, ол да баланы бесінші қабаттан лақтырғалы жатқанын хабарлайды. Балалардың бірі "ол өзіне-өзі қол жұмсауды өтінгенін" айтады, ал кадрдағы бала бұл сөзді растамайды.

Видеода балалар баланың қол-аяғын ұстап, үшінші қабатқа апарады. Лифтіде бала қарсылық танытқан. "Оператордың" мына сөзіне қарағанда, жәбірленуші бала басқаларға тым ауыр болып көрінген:

"Салмағы 40 кг сияқты, Менің өз салмағым 50 кг!", - деді ол. Сол себепті олар баланың үстіндегі күртешесін лақтырып жіберген.

"Тағы бірдеңе лақтырып жіберіңдерші! (...) Бірақ олар кетіп қалды", - дейді "оператор" видеоның соңында.

"Баланың ата-анасы полиция қызметкерлерінен кінәлілерді жазалауды талап етіп отыр", - деп жазады басылым авторлары.

NUR.KZ тілшісі түсініктеме алу үшін Астана полициясына хабарласты.

"Бұл факт тіркелді, оқиғаның барлық қатысушысы анықталды, мән-жайлар заңды өкілдердің қатысуымен анықталып жатыр. Оқиға салдарынан зардап шеккендер жоқ екені нақтыланып отыр", - деп хабарлады Астана қалалық полиция департаментінің баспасөз қызметі өкілдері.

Мәтіннен қате тапсаңыз, бізге жазыңыз