Алматы облысында жол ережесін өрескел бұзған ер адам жазаланды (видео)

Әлеуметтік желілерде Алматы облысында көлік жүргізушісінің жол қозғалысы ережелерін өрескел бұзғаны бейнеленген видео пайда болды. Бұл туралы облыстың полиция департаменті хабарлады, деп жазады KAZ.NUR.KZ.

Кадрлардан жолаушының жүріп бара жатқан көліктің терезесінен шығып, өз өмірі мен жол қозғалысының басқа да қатысушыоарына қауіп төндіргенін көруге болады.

"Іздеу жұмыстарының нәтижесінде құқықбұзушы анықталып, ұсталып, полицияға жеткізілді. Жүргізушіге қатысты жолаушыларды тасымалдау ережелерін сақтамағаны үшін әкімшілік хаттама толтырылды", - делінген хабарламада.

Еске салсақ, бұған дейін Шымкенттен шыққан көлік жүргізушісінің мас күйде 40 жолаушыны тасымалдағанын хабарлаған едік.

Тексеру барысында жүргізушіден алкогольдің иісі шыққан. Тәртіп сақшылары оған бірден Бурабай аудандық ауруханасына медициналық куәландарудан өтуді ұсынады. Онда дәрігер ер адамның орташа дәрежедегі алкогольді масаң күйде екенін анықтаған.

Мәтіннен қате тапсаңыз, бізге жазыңыз