Есірткіге мас болған: Шымкентте "синтетика" таратумен айналысқан үш адам ұсталды (видео)

Шымкентте үш есірткі жасырушы ұсталды. Олардан аса ірі мөлшерде әртүрлі психотроптық заттар тәркіленді, деп хабарлайды Polisia.kz.

Күдіктілерді патрульдік полиция полкінің инспекторлары таңғы 6:00 шамасында анықтады. Көлік тоқтатқан кезде жүргізуші мен екі жолаушының әрекеті тәртіп сақшыларының күдігін туғызған.

Тексеру барысында жолаушылардың бірі бой тасалауға тырысты, бірақ бірден ұсталды. Күдіктілерден 1 келіге жуық есірткі тәркіленді. Полицейлердің қырағылығының арқасында қара нарыққа “синтетиканың” бір реттік мың дозасы жіберілген жоқ.

Ұсталғандардың қала аумағында синтетикалық есірткі таратумен айналысқаны анықталды. Аталған жайт бойынша Әл-Фараби АПБ тергеу бастды. Сонымен қатар медициналық куәландырудың нәтижесі үш ер адамның да есірткілік масаң күйде болғанын растады.

Аталған құқықбұзушылықты жасағаны үшін жүргізуші көлік құралдарын басқару құқығынан 7 жылға айырылды. Қазіргі таңда күдіктілер қамауда.

Мәтіннен қате тапсаңыз, бізге жазыңыз