Полиция көлігінен қашып кеткен күдікті Алматы облысында ұсталды

Желтоқсанның басында полиция көлігінен қашқан күдікті Алматы облысы ауғамында ұсталды. Бұл туралы KAZ.NUR.KZ Алматы қалалық полиция департаментінің баспасөз қызметіне сілтеме жасай отырып хабарлайды.

"Алматының криминалдық полиция қызметкерлері жедел-іздестіру шаралары барысында Алматы облысы аумағында іздеуде жүрген, айдауыл көлігінен қашып кеткен ер адамды ұстады", - деп хабарлады қалалық полицияның баспасөз қызметі.

Полиция мәліметінше, қазіргі уақытта қашып кету дерегі бойынша сотқа дейінгі тергеу амалдары жүргізіліп жатыр.

Бұған дейін ол бөтен адамның мүлкін ұрлағаны үшін ұсталғаны мәлім болды.

Естеріңізге сала кетейік, Алматы қалалық полициясы 4 желтоқсанда кешке айдауыл қызметінің көлігінен қашып кеткен азаматқа іздеу жариялағанын жазған едік.