Түркияның құқық қорғау органдары іздеу салған ер адам Алматыда ұсталды

Алматының халықаралық әуежайында Қазақстандағы Интерпол Ұлттық орталық бюросының сұрауы бойынша желілік полиция бөлімінің қызметкерлері 67 интернет-алаяқтық фактісі бойынша күдікке ілінген Түркия азаматын ұстады, деп хабарлайды KAZ.NUR.KZ.

Ішкі істер министрлігінің Telegram-дағы арнасының хабарлауынша, оған Түркияның құқық қорғау органдары халықаралық іздеу салған.

"Күдікті 2018 жылы үй жануарларын сату туралы жалған интернет-жарнама арқылы жәбірленушілерді алдап, 67 адамның ақшасын иемденіп, Түркия елінен бой тасалаған", - делінген хабарламада.

Қазіргі уақытта ол уақытша ұстау изоляторында қамауда отыр.