Шымкентте қала тұрғыны айналасындағыларды адам өлтіруге шақырған

Шымкент қалалық соты 2025 жылғы мамырда осы мегаполис тұрғынын терроризмді насихаттағаны үшін кінәлі деп тауып, 7 жылға бас бостандығынан айырды. Бұл туралы KAZ.NUR.KZ Ұлттық қауіпсіздік комитетінің баспасөз қызметі өкілдеріне сілтеме жасап хабарлайды.

Ұлттық қауіпсіздік комитетінің баспасөз қызметінің мәліметінше, ведомство өкілдері тергеген қылмыстық іс бойынша, ол айналасындағы адамдарды өлтіруге шақырып, діни негізде зорлық-зомбылықты ақтаған.

Бұдан бөлек Ұлттық қауіпсіздік комитетінің материалдарына және Атырау және Ақтөбе облыстары соттарының шешімдеріне сәйкес діндарлар арасында терроризмді насихаттағаны үшін еліміздің екі азаматына 7 және 6 жылға бас бостандығынан айыру жазасы кесілді.

Сонымен қатар фигуранттардың жалпы қылмыс жасағаны және террористік белсенді аймақтарға шығуға әрекеті үшін соттылығы болғаны анықталған.

Аталған адамдарға қатысты үкім заңды күшіне енді.

Жалпы биыл жыл басынан ҰҚК тергеген қылмыстық істер бойынша 52 адам, оның ішінде 2 шетелдік азамат террористік және экстремистік қылмыс жасағаны үшін түрлі мерзімге бас бостандығынан айырылды.

Тағы 52 адамға қатысты тергеу жүріп жатыр.

Мәтіннен қате тапсаңыз, бізге жазыңыз