"Тальго" пойызының машинисі қайғылы жағдайдың алдын алды
Опубликовано:
"Тальго" жолаушылар пойызының машинисі қайғылы жағдайдың алдын алды, деп хабарлайды "Қазақстан темір жолы" ҰК" АҚ баспасөз қызметіне сілтеме жасаған KAZ.NUR.KZ.
ҚТЖ-ның мәліметінше, 23 шілдеде сағат 21:41-де Тобыл – Қостанай учаскесінде Астана – Орал қатынасындағы "Тальго" жолаушылар пойызының машинисі жолдағы әйелді байқағаннан кейін шұғыл тежеу қолданған. Алдын ала мәліметтер бойынша ол мас күйде болған.
Машинистің уақтылы және кәсіби әрекеттерінің арқасында қайғылы жағдайға жол берілмеген.
Әйел зардап шекпеген, ол желілік полиция бөлімі қызметкерлеріне табысталған. Оқиға салдарынан пойыз 12 минутқа кідірген.
Осы орайда ҚТЖ азаматтарды өте мұқият болуға және теміржолға қатысты ережелерді қатаң сақтауға шақырады.
Айта кетейік, бұған дейін Алматы облысында теміржолда екі адам қаза болған еді.
Сондай-ақ Алматыда пойыз төбесіне шыққан жасөспірім электр тогына түсіп қалған болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2268456-talgo-poiyzynyng-mashinisi-qaigyly-zhagdaidyng-aldyn-aldy/