Tik-Tok желісіндегі танымал трендті қайталаған қазақстандықтар жазаланды

Абай облысында әлеуметтік желіде қаралым жинау мақсатында жол қозғалысы ережелерін бұзғандар анықталды, деп хабарлайды KAZ.NUR.KZ облыстық Полиция департаментіне сілтеме жасап.

Абай облысында 27 жастағы бойжеткен мен 31 жастағы жүргізуші танымал TikTok трендін қайталаймыз деп қауіпсіздік ережелерін елемей, жүріп бара жатқан көлік құралының үстінде қауіпті әрекет жасаған. Бұл видеоны олар әлеуметтік желіде қаралым мен лайк жинау мақсатында жариялаған.

Полиция қызметкерлері құқық бұзушыларды анықтап, олардың әрекетіне заң аясында тиісті шаралар қабылдағанын хабарлады.

️Полицейдер жол — лайк жинайтын орын емес екенін ескертеді. Әлеуметтік желідегі танымалдық үшін ереже бұзу — жол қозғалысына қатысушылардың өмірі мен денсаулығына қауіпті және заңмен қатаң түрде жазаланады.

Мәтіннен қате тапсаңыз, бізге жазыңыз