"Анасының атына жер телімін жазған": Маңғыстау облысында ауыл әкімі сот алдына келді

Бейнеу аудандық соты Бейнеу ауылы әкіміне қатысты әкімшілік істі қарады. Бұл туралы аудандық соттың баспасөз қызметі хабарлады, деп жазады Lada.kz-ке сілтеме жасаған KAZ.NUR.KZ.

Сот үкіміне сай, Бейнеу ауылының әкімі үй салуға арналған жер телімін анасының атына жер телімін жазу туралы шешім шығарған. Жер телімін Бейнеу ауылында болған.

Сот ауыл әкімі өз міндеттерін орындау кезінде жемқорлыққа қарсы заңнаманы бұзбау үшін шара қолданбағанын анықтаған. Одан бөлек жақын туысына қатысты шешім қабылдау кезінде тікелей басшысын туындаған мүдделер қақтығысы туралы хабардар етпеген.

"Бейнеу ауылы әкімінің кінәсі оның түсіндірмесімен, әкімшілік заңбұзушылық туралы хаттамамен, алдын алу бөлімі қызметкерінің рапорты және іс материалдарындағы мәліметтермен дәлелденген", - делінген сот хабарламасында.

Сот отырысында әкім әкімшілік заңбұзушылық дерегі болғанын мойындап, отбасылық жағдайы туралы айтып, айыппұл көлемін азайтуды сұрады.

Сот оны Әкімшілік құқықбұзушылық туралы кодекстің 680 бабына сай кінәлі деп танып, 393 200 теңге көлемінде айыппұл салды. Үкім заңды күшіне енген жоқ.

Мәтіннен қате тапсаңыз, бізге жазыңыз