Қазақ редакциясының басшысы

Хасан Қасымбаев соты: прокурордың бірі істен шеттетілді

Опубликовано:20 тамыз 2025, 18:11

Талғар аудандық сотында Хасан Қасымбаев пен өзге де күдіктілерге қатысты сот отырысы өтіп жатыр. Сот барысында айыпталушылардың адвокаттары прокурорды ауыстыруды сұрады, деп хабарлайды Kazinform.

Бір сағаттық үзілістен соң судья Айнагүл Тұқыбаева адвокаттардың өтінішін қанағаттандырып, мемлекеттік айыптаушы залдан шықты. Сот отырысына екінші прокурор Ерлан Құланбаев қатысып жатыр, сот жалғасын табуда.

Еске салсақ, 4 қарашада желіде "Талғардағы ұйымдасқан қылмыстық топ жетекшісі" делінген Хасан Қасымбаевтың ұсталғаны туралы ақпарат тарады. Бұл ақпаратқа Алматы облысы полиция департаменті өкілдері пікір білдіріп, 2024 жылғы 2 қарашада азамат К. 2021 жылдың маусым айында азамат А.-ның денсаулығына қасақана ауыр зиян келтірді және адам ұрлады деген күдікпен ұсталып, уақытша ұстау изоляторына қамалғанын мәлімдеді.

Артынша Алматы облысының полиция департаменті өкілдері "талғарлық ұйымдасқан қылмыстық топтың жетекшісі" делінген ер адамның ұсталуына қатысты тың мәліметтер жариялады.

Кейін "Талғарлық ұйымдасқан қылмыстық топ жетекшісі" деп танылған Хасан Қасымбаевтың ұсталғаны туралы ақпаратты Алматы облыстық полиция департаментінің баспасөз қызметі растады. Ведомство өкілдері қазір жедел-тергеу іс-шаралары жүргізіліп жатқанын мәлімдеді.

Алматы облысы полиция департаменті Хасан Қасымбаевқа қатысты іс жөнінде мәлімдеме жасады. Полиция өкілдері бұған дейін БАҚ-та шындыққа жанаспайтын ақпарат таралғанын мәлімдеді.

Сондай-ақ Алматы облысы полиция департаменті өкілдері Хасан Қасымбаевтың ұсталғаны туралы ақпаратқа пікір білдірді. Облыстық полиция департаменті хабарламасында ұсталған адам марқұм Шерзаттың өлімі үшін емес, 2021 жылғы адам ұрлау дерегіне байланысты тұтқындалғаны айтылған.

2025 жылғы 20 тамызда Алматы облысы Талғар аудандық сотында Хасан Қасымбаевқа қатысты сот процесі басталды.

Мәтіннен қате тапсаңыз, бізге жазыңыз