Елордада "табысты кәсіпкер" төрт адамды 270 млн теңге қарызға батырып кетті

Өзін ауқатты кәсіпкер ретінде көрсетіп, төрт адамды іскерлік ынтымақтастық мақсатында автонесие алуға көндірген елорда тұрғыны сотталды. Ол несиеге алынған көліктерді Ресейге сатып, пайда тапқан, деп хабарлайды KAZ.NUR.KZ Астана қаласы прокуратурасының ресми сайтына сілтеме жасап.

Прокуратура мәліметінше, ол несиені өзі төлейтінін айтып, көліктерді бизнесте пайдалануға уәде берген, бірақ көп ұзамай көліктерді Ресей Федерациясына тасымалдап, сатып, түскен ақшаны өз қажеттіліктеріне жұмсаған.

Ал жәбірленушілер банк алдында қарыздар болып қалды. Келтірілген шығын көлемі 270 млн теңгеден асты.

Сот елорда тұрғынын кінәлі деп тауып, 6 жыл 8 айға бас бостандығынан айырды.

Үкім заңды күшіне енген жоқ.

Елорда прокуратурасы бөтеннің мүлкін ұрлау, алдау немесе сенімге қиянат жасау арқылы бөтеннің мүлкіне құқық алған адам заң бойынша мүлкі тәркіленіп, 10 жылға дейін бас бостандығынан айырылатынын еске салды.

Мәтіннен қате тапсаңыз, бізге жазыңыз