Қожағапанов ісі: айыптау тарапы экс-вице-министрге жазаны қатаңдатуды талап етті

Елорда сотында бұрынғы Мәдениет және спорт вице-министрі Ерлан Қожағапанов пен SUCCESS K агенттігінің бұрынғы бас директоры Ләззат Көккөзованың ісіне қатысты аппеляциялық шағым қаралып жатыр. Бұл туралы KAZ.NUR.KZ хабарлайды.

Сотталғандардың қорғау тарапы сот үкімін жоюды ұсынды. Алайда прокурор керісінше жазаны қатаңдатып, олардың жаза өтеу мерзімін ұлғайтуды талап етті.

Айыптау тарапы үш жылға сотталған Ерлан Қожағапановқа мемлекеттік қызмет өкілеттігін асыра пайдаланғаны және оның мемлекетке келтірген залалын алға тартып бас бостандығынан айыру мерзімін 7 жылға дейін ұлғайтуды сұрады.

Экс-вице-министр SUCCESS K агенттігінің мүддесін қорғау жөніндегі айыптау негізсіз екенін айтты. Сөзінше, мұндай функция оның өкілеттігіне кірмеген.

Сондай-ақ Қожағапановтың адвокаттары да айыптау уәжі істің нақты мән-жайына сәйкес келмейтінін айтты.

Мәтіннен қате тапсаңыз, бізге жазыңыз