Атырауда 6 мен 8 жас аралығындағы балалар жаппай төбелес ұйымдастырды (видео)
Опубликовано:
Атырауда кәмелет жасқа толмаған балалар аулада жаппай төбелес ұйымдастырып, артынан полицияға жеткізілді. Жасөспірімдердің ата-аналары енді әкімшілік жауапкершілікке тартылады, деп хабарлайды KAZ.NUR.KZ.
Атырауда балалардың қатысуымен болған оқиғаның видеосы Egovpress Instagram парақшасында жарияланды.
Атырау облысының ПД хабарлауынша, жанжал салдарынан зардап шегіп, медициналық көмекке жүгінгендер болған жоқ.
"Видеодағы заңбұзушылыққа қатысы бар 6 мен 8 жас аралығындағы кәмелетке толмаған балалар анықталып, ата-аналарымен бірге полиция бөліміне жеткізілді", - делінген ведомствоның ресми хабарламасында.
Полиция өкілдері жасөспірімдердің ата-аналары балаларын тәрбиелеу міндеттерін орындамағаны үшін әкімшілік жауапкершілікке тартылатынын жеткізді. Тиісті құжаттамалар толтырылып, жиналған материалдар шешім қабылдау үшін сотқа жіберілді.
"Төбелеске қатысы бар балаларды тәрбиелеп отырған ата-аналар полиция бақылауында болады", - деп мәлімдеді ПД өкілдері.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2281656-atyrauda-6-men-8-zhas-aralygyndagy-balalar-zhappai-tobeles-uiymdastyrdy-video/