Ресейде ұшақ құлады: қайтыс болғандар бар (фото)

Кемеров облысында десантшылар отырған L-410 ұшағының құлауы салдарынан қаза тапқандар саны жеті адамға дейін өсті, тағы 13 адам жарақат алды. Бұл туралы ТАСС-қа сенбі күні төтенше жағдайлар қызметіндегі ақпарат көзі хабарлады.

"Оқиға нәтижесінде жеті адам қаза тапты, 13 адам жарақат алды, олардың жағдайы нақтылануда", – деді ақпарат көзі.

Ұшақта барлығы 20 адам болған.

Кемеров облысында апатқа ұшыраған L-410 ұшағы Ресейдің әскер, авиация және теңіз флотына көмек көрсету ерікті қоғамына тиесілі, дейді апаттың мән-жайларынан хабардар таныс дереккөз.

"Алдын ала ақпаратқа сәйкес, ұшақ әуеге көтерілгеннен кейін парашютпен секіру кезінде қозғалтқыштың істен шығуы орын алды, содан кейін L-410 ұшағы жерге қатты қонды", – деп нақтылады ол.

L-410 ұшағы Танай аэродромынан көкке көтеріліп, орт жағына келіп қонып, орманға соғылды. Прокуратураның хабарлауынша, апатқа ұшыраған ұшақтың экипажы қозғалтқыштардың бірінің істен шыққанын хабарлады. Аэродром менеджері ТАСС-қа Танай аэродромында 19 маусымда жоспарланған барлық парашютпен секірудің тоқтатылғанын түсіндірді.

Танай аэродромы Кузбасстың Промышленный ауданында Новосибирск облысымен шекаралас жерде орналасқан. Оның базасында Кузбасс парашют орталығы құрылып, жұмыс істейді. Мұнда спортшылар мен әуесқойларға парашют-десант жаттығулары өткізіліп тұрады.

Mash Telegram арнасының хабарлауынша, ұшқыштардың бірі қозғалтқыштың ұшу кезінде істен шыққандығы туралы хабарлап үлгерген.

Мәтіннен қате тапсаңыз, бізге жазыңыз