"Екеуі бала": Түркістан облысында балшыққа батқан көліктен 5 адам құтқарылды (видео)

Түркістан облысында балшық массасында тұрып қалған көліктен бес адам құтқарылды. Олардың арасында кәмелетке толмаған екі бала бар, деп хабарлайды төтенше жағдайлар министрлігінің Telegram-дағы арнасына сілтеме жасаған KAZ.NUR.KZ.

"Бүгін Түркістан облысы, Ораңғай ауылының маңында балшық массасында тұрып қалған жеңіл автокөліктен 5 адам, оның ішінде 2 бала құтқарылды.

Олар Қызылжол ауылына жеткізілді. Медициналық көмек қажет емес.", – деп жазылды хабарламада.

Еске сала кетейік, осыған дейін құтқарушылар Қарағанды облысында айдалада адасып кеткен бір отбасы мүшелерін құтқарған болатын.

Мәтіннен қате тапсаңыз, бізге жазыңыз