"Жүзу құралын қолдан жасаған": Каспий теңізінде алты бозбала құтқарылды (видео)

Каспий теңізінде қолдан жасаған жүзу құралына мініп, жағаға қайтып келе алмаған 6 бозбала құтқарылды. Бұл туралы KAZ.NUR.KZ ТЖМ-ге сілтеме жасап хабарлайды

Бүгін, 10 шілдеде ТЖМ қызметкерлері Ақтау қаласында Каспий теңізінің жағалауынан 1,5 км қашықтықта қолдан жасалған жүзу құралымен жағадан алыс жүзіп, қайтып келе алмаған 17-19 жас аралығындағы 6 жігітті құтқарып, жағалауға жеткізді.

Ведомство өкілдерінің айтуынша, оларға медициналық көмек қажет болмады.

Осы орайда ТЖМ өкілдері азаматтарға ескерту жасады:

• құтқару кеудешесін киіңіз;
• жүзу құралын ішімдік ішкен күйінде басқармаңыз;
• балаларды бір минутқа да қараусыз қалдырмаңыз.

Айта кетейік, бұған дейін Жетісу облысында катамаранда отырған үш туристі жел ұшырып әкетіп, оларды ТЖМ мамандары құтқарған еді.

Мәтіннен қате тапсаңыз, бізге жазыңыз