Алматыда таңғы уақытта бутиктер өртенді

27 қыркүйекте таңғы уақытта Алматыда өрт шықты. Алатау ауданында сауда дүкендері өртенді, деп хабарлайды Төтенше жағдайлар министрлігіне сілтеме жасаған KAZ.NUR.KZ.

Төтенше жағдайлар министрлігінің ақпаратынша, өрт Алғабас шағын ауданында болған.

"Құтқарушылардың үйлесімді іс-қимылдарының арқасында алдын ала 70 шаршы метр алаңдағы өрт сөндірілді.

Зардап шеккендер жоқ", - делінген хабарламада.

Құтқарушылар қазақстандық кәсіпкерлерді өрт қауіпсіздігі ережелерін сақтауға шақырды.

Еске салсақ, бұған дейін Астанада үйдің ауласында тұрған көліктің өртеніп кеткені туралы жазған едік.

Өрт бейнеленген видео Instagram-дағы astana_brothers парақшасында жарияланған. Кадрларда көлік отқа оранып жатыр. Оның сол жағында бірнеше көлік тұр.

Астана қалалық Төтенше жағдайлар департаментінің баспасөз қызметі NUR.KZ тілшісіне өрттің Есіл ауданындағы тұрғын үйдің ауласында таңғы уақытта шыққанын хабарлады.

Мәтіннен қате тапсаңыз, бізге жазыңыз