Алматының Алмалы ауданында мейрамхана өртенді (фото)

Алматының Алмалы ауданында Мақатаев көшесінің бойында орналасқан бірқабатты мейрамхана өртенді. Құтқарушылар 3 оттегі баллонын эвакуациялаған, деп хабарлайды KAZ.NUR.KZ ТЖМ баспасөз қызметіне сілтеме жасап.

ТЖМ Telegram-дағы ақпаратына сүйенсек, өрт сөндірушілер алдын ала 350 шаршы метр аумақта өртті оқшаулаған. Өрт сөндіру барысында олар шатырды ашуға мәжбүр болған.

"Өрт толығымен нақтыланған 280 ш.м алаңда сөндірілді. Өрт сөндірушілер 3 оттегі баллонын шығарды. Зардап шеккендер жоқ", - деді ТЖМ баспасөз қызметінде.