Almaty Arena аумағы өртке оранды: төрт бала құтқарылды (видео)

Алматы қаласының Almaty Arena аумағында өрт шықты. Төтенше жағдайлар министрлігінің баспасөз қызметі өрттің толықай сөндірілгенін хабарлады, деп жазады KAZ.NUR.KZ.

ТЖМ Telegram-арнасындағы мәліметке сәйкес, Алматы қаласындағы жабық мұз айдынының кіші залының бірінші қабатында спорттық инвентарь өртенген.

Өрт сөндіру бөлімшелері келгенге дейін келушілер мен қызметкерлер ғимараттан шығып кеткен.

Газ-түтіннен қорғау қызметінің буындарымен барлау және өртті сөндіру барысында құтқару қалпақтарының көмегімен төрт кәмелетке толмаған бала құтқарылды.

Үлкен өрт жүктемесіне қарамастан, өрт сөндірушілер өрттің іргелес орын-жайларға таралуына жол бермей оны 40 шаршы метр аумақта сөндірді.

Мәтіннен қате тапсаңыз, бізге жазыңыз