Жетісу облысында жолдың бір бөлігін су шайып кетті (видео)
Опубликовано:
Жетісу облысы Ақсу ауданында су деңгейінің көтерілуі салдарынан жол бөлігіндегі темірбетоннан жасалған құбыр мен жолдың бір бөлігі опырылды. Жолдың қираған учаскесі жедел қалпына келтірілді, деп хабарлайды KAZ.NUR.KZ.
Бұған дейін желі қолданушылары жолдың опырылғанын айтып, видео жариялаған болатын.
ТЖМ баспасөз қызметінің Telegram-дағы арнасының хабарлауынша, Ақсу ауданында "Жансүгіров-Матай" автожолының 34-шақырымында су өткелінің тозуына байланысты темірбетон құбыры мен жол төсемінің бір бөлігі қираған.
"Көлік қозғалысы уақытша тоқтатылды. Жергілікті полиция қоршау белгілерін орнатты, ал ЖАО мен жол қызметінің күштері ТЖД-ны үйлестіруімен жедел жөндеу жұмыстарын жүргізді: құбыр өткелін төсеп, топырақты толтырып, нығыздады", - делінген хабарламада.
Қазіргі уақытта жол қозғалысы қалпына келтірілді, су құбыр арқылы өтіп жатыр.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2227250-zhetisu-oblysynda-su-denggeiining-koterilui-saldarynan-zholdyng-bir-boligi-opyryldy-video/