Алматыда қоймадан өрт шықты (видео)
Опубликовано:
Алматы қаласында қоймадан өрт шықты. Қоймадағы өртті сөндіруді үлкен көлемдегі жанғыш заттар күрделендіріп отыр, деп хабарлайды KAZ.NUR.KZ қалалық ТЖД баспасөз қызметіне сілтеме жасап.
Ведомство мәліметінше, 21 шілдеде сағат 09:52-де Жетісу ауданы, Тобаяқов көшесінде қойманың жанып жатқаны туралы хабарлама бойынша қалалық ТЖД күштері мен құралдары жоғары дәреже бойынша жіберілген.
"Оқиға орнына жеткенде қойма ашық жалынмен жанып жатқаны анықталды. Өрт сөндіру оқпандары, автоцистерналар өрт гидранттарына енгізілді. Осылайша суды үздіксіз беру қамтамасыз етілді. Өрт сөндіру жұмыстарын Алматы қаласы ТЖД бастығы жеке өзі басқарып отыр. Оқиға орнында жедел штаб жұмысы ұйымдастырылып, үш өрт сөндіру учаскесі құрылды, қаладағы өзара іс-қимыл жасайтын барлық қызмет жұмылдырылды", - делінген хабарламада.
Өртті сөндіру қоймадағы үлкен көлемдегі жанғыш жүк пен қатты қызу күрделендіріп отыр.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2267178-almatyda-qoimadan-ort-shyqty-video/