Жамбылда өрт шыққан үйде жалғыз болған 86 жастағы қария бір ажалдан аман қалды

Жамбыл облысы Шу ауданында жеке тұрғын үйден өрт шықты. Төтенше жағдай кезінде үйде 86 жастағы әжей жалғыз болған. Абырой болғанда құтқарушылар дер кезінде жарылыстың алдын алып, қарияны құтқарып қалды, деп хабарлайды KAZ.NUR.KZ.

ТЖМ баспасөз қызметі өкілдерінің хабарлауынша, Жамбыл облысы Шу ауданы Төле би ауылында жеке тұрғын үйдің шатыры мен шаруашылық құрылысы жанған.

Өрт көрші үйдің шаруашылық құрылысы мен жеңіл автокөлікке тараған.

"Жедел жеткен өрт сөндірушілер түтін басқан үйден 1939 жылы туған қарт адамды құтқарып, жанып жатқан шаруашылық құрылысынан 3 газ баллонын алып шықты", - делінген хабарламада.

Ведомстводағылар өрт аумағы 140 шаршы метрге жеткенде сөндірілгенін мәлім етті. Зардап шеккендер жоқ.

Мәтіннен қате тапсаңыз, бізге жазыңыз