Қостанай облысында жол апатынан егіз балалар мен анасы көз жұмды

Қостанай облысында жантүршігерлік жол апаты болып, салдарынан үш адам қаза тапты, оның екеуі бала, деп хабарлайды ІІМ Telegram арнасында.

Полицияның ақпаратынша, жол апаты бүгін, 7 ақпанда Қостанай-Қарабұтақ тас жолының 470 шақырымында болды.

"JAC S3 автокөлігінің жүргізушісі алдындағы көлікті басып озғысы келіп, қауіпсіздікке көз жеткізбестен. қарсы қозғалыс жолағына шығып, ауыр жүк көлігімен бетпе-бет соқтығысқан", - делінген хабарламада.

Салдарынан 3 адам қаза тапты: 9 жастағы егіз балалар және олардың 33 жастағы анасы.

Қазіргі уақытта факті бойынша Қылмыстық кодекстің 345-бабы 4-бөлігі (Жол жүру ережелерін бұзу) бойынша сотқа дейінгі тергеу басталды.

Осы орайда полиция қызметкерлері жүргізушілерден жол ережелерін сақтауды сұрады.

Мәтіннен қате тапсаңыз, бізге жазыңыз