Ақтөбе облысындағы тас жолда екі көлік апатқа ұшырады: қаза тапқандар бар

Бүгін күндіз Ақтөбе облысындағы "Ақтөбе – Орынбор" тас жолында ВАЗ автокөліктері соқтығысып, екі адам қаза тапты. Бұл туралы ІІМ жаңалықтарының Telegram-дағы ресми арнасы хабарлады.

Полицияның мәліметінше, оқиға 11 шілде, сейсенбі күні сағат 12:30-да Ақтөбе – Орынбор автожолының 20 шақырымында болған. Яғни тас жолда ВАЗ-2111 және ВАЗ-2115 автокөліктері соқтығысқан.

"Салдарынан екі көлік жүргізушісі оқиға орнында қаза тапты. Үш жолаушы жедел түрде ауруханаға жеткізілді", – делінген полицияның хабарламасында.

Сонымен қатар, тәртіп сақшылары жол апатынан кейін Қылмыстық Кодекстің 345-бабы 3-бөлігі бойынша сотқа дейінгі тергеуді бастаған.

Мәтіннен қате тапсаңыз, бізге жазыңыз