БҚО-да жол апатынан үш адам қаза тапты: тағы сегіз жолаушы зардап шекті

Кеше, 7 қаңтарда Батыс Қазақстан облысының Бәйтерек ауданында үш адамның өмірін жалмаған жол апаты болды. Тағы сегізі зардап шекті, деп хабарлайды "Мой город".

БҚО полиция департаментіне сүйенген басылым хабарына қарағанда, Орал - Атырау тасжолының Янайкино ауылының маңында сағат 13:30-де Chevrolet Nexia мен Toyota Ipsum бетпе-бет соқтығысқан.

Апат болған жерде екі көлік жүргізушісі мен бір жолаушы да қаза тапты. Түрлі жарақаттары бар тағы сегіз адам ауруханаға жеткізілді. Полицейлер Қылмыстық кодекстің 345-бабы "Жол қозғалысы ережелерін бұзу" бойынша сотқа дейінгі тергеуді бастады.