ШҚО полицейлері көшкін салдарынан жолда қалып қойған көліктерді қауіпсіз жерге жеткізді (видео)
Опубликовано:
Шығыс Қазақстан облысында қар көшкіні салдарынан Өскемен-Алтай автожолында көлік қозғалысы бөгеліп, жүргізушілер жолда қалып қойған. Полицейлер жолда қалған көліктерді қауіпсіз жерге дейін жеткізді, деп хабарлайды Ішкі істер министрлігінің Telegram-дағы ресми арнасына сілтеме жасаған KAZ.NUR.KZ.
Ведомство ақпараты бойынша, қар үйіндісі салдарынан Өскемен-Алтай автожолындағы көлік қозғалысы 2 сағаттан астам уақытқа бөгелген.
"Автожолдың 63-шақырымында таудан қар көшкіні түскені туралы хабарлама алғаннан кейін взвод командирі Шахмұрат Ержанов жол қозғалысының шектелуіне байланысты көліктер жинала бастаған жерге қарай бет алды", - делінген хабарламада.
Тәртіп сақшысы мүмкіндігінше жолды босатуға тырысып, басқа автокөлік жүргізушілерімен бірге жолды тазартуға кірісті.
"Жол аздап тазартылып, кеңейтілген соң полиция капитаны Ержанов өзінің патрульдік көлігімен 30-дан астам көлікке ілесіп жүріп, оларды қауіпсіз жерге дейін жеткізді, ары қарай жүргізушілер өз бағыттары бойынша жол тартты", - деп жазады ведомство баспасөз қызметі.
Мәтіннен қате тапсаңыз, бізге жазыңыз