Алматыдағы ірі сауда орталығының маңында көлік жүргізушісі жол апатынан қаза тапты

Алматының Алмалы ауданында ағашқа соғылған көлік жүргізушісі қаза тапты. Оның қасында отырған жолаушы зардап шекті, деп хабарлайды қалалық полиция департаментіне сілтеме жасаған KAZ.NUR.KZ.

Қайғылы оқиға 17 наурызда сағат 05:10-да Алмалы ауданында болған.

"Жүргізуші, 1985 жылы туған азамат Ж. Сейфуллин даңғылымен оңтүстік бағытта, Мақатаев көшесінің қиылысында Mitsubishi автокөлігін жүргізіп келе жатып, тізгінге ие бола алмай, ағашқа соғылды", - деп хабарлады Алматы полиция департаментінің өкілдері.

Апат салдарынан жүргізуші оқиға орнында қаза тапты. Жанында отырған жолаушы зардап шекті. Апат дерегі бойынша қылмыстық іс қозғалып, сараптамалар тағайындалды.