Қарағандылық дәрігерлер үш жүк көлігі соқтығысқанда зардап шеккендердің жағдайын айтты

Дәрігерлер Қарағанды облысы аумағында үш жүк көлігі соғысқанда зардап шеккен адамдардың жағдайы қалай екенін айтты. Бұл туралы KAZ.NUR.KZ жергілікті ekaraganda.kz сайтына сілтеме жасай отырып хабарлайды.

Ірі жол апаты 20 қарашада Қарағанды – Астана тасжолында болған. SHACMAN автомобилі мен екі Volvo соғысқан. Көлік жүргізушілердің бірі оқиға орнында қайтыс болған. Ал тағы бір жүргізуші дәрігер көмегіне жүгінбеген. Үшінші көліктің жүргізушісі ауруханаға түскен, бірақ оны көп уақыт өтпей үйге қайтарған.

"Зардар шеккендердің бірі Теміртаудағы ауруханаға түсті. Тексеруден кейін оны үйде емделуге жіберді", - деп хабарлады Қарағанды облыстық денсаулық сақтау басқармасы.

Тағы бір жол апаты бүгін Алматы – Екатеринбург жолында болды. 32 жастағы жүргізуші басқарған MAN автокөлігі тайғанақтап, жолда көлденең тұрып қалған. Апат салдарынан бір адам ауруханаға түскен.

Мәтіннен қате тапсаңыз, бізге жазыңыз