Шымкентте жеңіл көлік тепловозбен соқтығысты
Опубликовано:
Шымкент станциясында көлік жүргізушісі маневрлік тепловозбен соқтығысып, жол апатына себепші болды, деп хабарлайды KAZ.NUR.KZ Қазақстан теміржолы компаниясының баспасөз қызметіне сілтеме жасап.
Компания мәліметінше, оқыс жағдай 2025 жылғы 21 шілдеде сағат 07:30-да Шымкент станциясының "Санжар" ЖШС жеке кіреберіс жолында болған.
"BMW маркалы автомобиль жүргізушісі маневрлік тепловоздың қатысуымен жол қозғалысы ережелерін бұзып, жол-көлік оқиғасына себепші болды. Құрбан болғандар мен зардап шеккендер жоқ. Оқиғаның мән-жайы нақтыланып жатыр. Ақпарат құқық қорғау органдарына берілді", - делінген хабарламада.
ҚТЖ жүргізушілерді теміржол өткелдерінде және темір жолдардың жанында жол қозғалысы ережелерін сақтауға шақырады.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/road-accident/2267166-shymkentte-zhengil-kolik-teplovozben-soqtygysty/