Қарағанды облысында автокөлік аударылды: үш адам қаза тапты
Опубликовано:
Қарағанды облысында автокөлік аударылды. Салдарынан үш адамның өмірі қиылды, деп хабарлайды KAZ.NUR.KZ "ҚазАвтоЖол" ұлттық компаниясына сілтеме жасап.
Компанияның Telegram желісіндегі ресми арнасының хабарлауынша, жол-көлік оқиғасы 11 тамызда сағат 00:10 шамасында "Астана – Қарағанды – Алматы" автомобиль жолының 1396-шақырымында (Батпақты ауылы, Осакаров ауданы, ІА санаты) болды.
"Алдын ала мәліметтер бойынша Toyota Alphard автокөлігінің жүргізушісі көлікті басқара алмай аударылған", - делінген хабарламада.
Оқиға салдарынан үш адам қаза тауып, алты адам түрлі жарақат алды.
ҚазАвтоЖол өкілдері жүргізушілерге жылдамдық режимін қатаң сақтап, жолға шығар алдында көліктің техникалық жай-күйін тексеру керектігін ескертеді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/road-accident/2273985-qaragandy-oblysynda-avtokolik-audaryldy-ush-adam-qaza-tapty/