Астанада самокат жүргізушісін көлік қақты (видео)

Астанада самокат жүргізушісін көлік қағып кетті. Полиция департаменті мәліметінше, зардап шеккен адам дәрігерлердің тексеруінен кейін үйіне қайтқан, деп хабарлайды KAZ.NUR.KZ.

Желіде Астанада болған оқиғаның видеосы тарады. Бейнежазбадан бағдаршамның жасыл түсіне өтіп бара жатқан электросамокат жүргізушісін автокөлік қағып кеткенін көруге болады.

"Астанада "Хан Шатыр" сауда ойын-сауық орталығының маңында скутер жүргізушісін қағып кетті. Алдын ала мәлімет бойынша, ол бағдаршамның жасыл түсі жанып тұрғанда жаяу жүргіншілер өткелінен өтіп бара жатқан", - делінген видео сипаттамасында.

Жәбірленушінің жағдайы мен оқиғаның мән-жайы туралы қалалық Полиция департаменті өкілдері түсінік берді.

"Hyundai көлігінің жүргізушісі Халифа бен Заид Әл Нахаян көшесімен Е308 көшесінің қиылысында келе жатып, оңға бұрылған кезде өз бағыты бойынша белгіленген жерде оңнан солға қарай жол бөлігін кесіп өтіп бара жатқан самокат жүргізушісін қағып кеткен.

Жол-көлік оқиғасы салдарынан жәбірленуші ауруханаға жеткізіліп, тексеруден кейін үйіне шығарылды", - делінген хабарламада.

Қазір тергеу амалдары жүргізіліп жатыр.

Мәтіннен қате тапсаңыз, бізге жазыңыз