Бес адам қаза тапты: ШҚО-да жантүршігерлік жол апаты болды (видео)

Шығыс Қазақстан облысында жол апатынан 5 адам қаза болып, бір адам жарақат алды. Бұл туралы өңірлік полиция департаментіне сілтеме жасаған KAZ.NUR.KZ хабарлайды.

Шығыс Қазақстан облысы полиция департаментінің мәліметіне сәйкес, жол-көлік оқиғасы 4 қараша күні Өскемен-Риддер тасжолының 48-ші шақырымында болған.

"ЗИЛ жүк көлігі мен Toyota Estima көлігі соқтығысқан. Соның салдарынан 5 адам сол жерде тіл тартпай кетті. Жарақат алған 1 адам ауруханаға жеткізілді", - деп хабарлады ПД өкілдері.

Аталған факт бойынша сотқа дейінгі тергеу амалдары басталды. Жол апатының мән-жайы мен қаза болғандардың кім екені анықталуда.

Мәтіннен қате тапсаңыз, бізге жазыңыз