Оралда үш күн бұрын көлік ұрлаған 9 жасар бала тағы да қолға түсті

Үш күн бұрын көлік ұрлап ұсталған балақай бұзақылығын тағы бір мәрте қайталады. Алғашында "Сузуки" көлігін айдап кеткен бала, осы жолы бейтаныс адамның "Тойотасын" тізгіндеген деп жазады mgorod.kz сайтына сілтеме жасаған NUR.KZ.

Оқиға 9 тамыз күні сағат 22:00-де орын алды.

"Досымның есік алдына кіріп, екеуміз біраз отырған едік. Сыртқа шыққанымда көлігімді таба алмай қалдым. Көліктің кілттері өзімде болды. Ол бір нәрсе қылып өздігінен оталдырып кеткен", - деп айтты Юрий Васильев.

Айта кету керек, бөтен адамның көлігін ұрлап кеткен балақай көпір астындағы бағаналардың біріне соқтығысқан. Оқиғада ешкім зардап шеккен жоқ.

Оған қоса, бұл баланың осыдан үш күн бұрын "Сузуки" автокөлікті ұрлап кеткені анықталды. Ол кезде 9 жасар бүлдіршін бейтаныс адамның көлігін айдап кетуге оны досы азғырғанын айтқан болатын. Ал баланың әкесі болса, ол уақытта перзенті үйде сабақ оқып оытрғанын айтқан.

Тағы да оқыңыздар

Пікір