RU

Ерекше сұлулығымен әлемді таңғалдырған балақай қазір қалай өзгерді?

Уильям Франклин-Миллер- ерекше келбетке ие мектеп оқушысы. Соның арқасында ол төрт жасында сән әлеміне аяқ басып, 2016 жылы "ғаламшардағы ең келбетті балақай" ретінде танылды деп жазады bigpicture.ru сайтына сілтеме жасаған KAZ.NUR.KZ.

Уильям Франклин-Миллер Лондон қаласында 2004 жылы 25 наурыз күні дүниеге келген. Ол кішкентай болғанда жанұясы Австралияның Мельбурн қаласына көшіп кетеді.

Төрт жасында алғашқы фотосессияға қатысқан Уильям тағы бірнеше жобалардан кейін қарапайым мектеп оқушысы сияқты өмір сүріп жүреді.

Алайда жапониялық блогердің бірі желіге Уильямның суретін салған соң балақайдың өмірі күрт өзгеріп кеткен.

Instagram парақшасына мыңдаған адамның жазылғанын көрген 12 жастағы жеткіншек алғашқыда үрейленіп кетеді. Ол парақшасын әлдекімдер бұзып алды деп те ойлайды.

Алайда, уақыт өте Уильям өзінің Жапония мен Қытайда үлкен танымалдылыққа ие болғанын біледі.

Осылайша, "әлемдегі ең сұлу балақай" атына ие болған австралиялық жеткіншекке түрлі жобалар мен ұсыныстар келіп түскен.

Артынша ол "Стрела", "Джек Айриш" және "Көршілер" сериалдары мен "Бақылаушы", "Жандану" фильмдерінде бой көрсеткен.

Одан бөлек, Уильям азиялық телешоуларға қатысып та үлгерді.

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Қазақстанның басқа да жаңалықтары